Ég kenni Sævari alfarið um fréttaleysið. Hann fer sko alltaf með tölvuna í skólann og er að lesa undir próf. svo tölvan kemur ekki heim fyrr en seint og síðar meir á kvöldin Hann verður víst að lesa ef hann ætlar að verða svona lögfræðingur.

Annars er allt gott að frétta, Matthías er alltaf jafn hress og kátur. Að vísu er hann að fá tennur í efri góm núna svo hann bítur í allt sem fyrir verður og er svolítið órólegur í svefninum, en það er aldrei langt í brosið. Hann er farinn að sýna listir sínar, hvað hann er stór og kann að klappa, alveg að springa úr monti. Hann þeysist um alla íbúð í göngugrindinni sinni, er búinn að ná í myndarammana í gluggakistunni og tókst loksins að opna eldhússkúffuna. Það er þvílíkt sport, hann svoleiðis hoppar af kæti þegar honum tekst að opna skúffuna. Það má ekki opna skáp eða skúffu á heimilinu, þá er hann mættur eins og stormsveipur. Hér verða allar hillur tómar þegar hann kemst sjálfur af stað, hann virðist ætla að verða jafn iðinn og foreldrarnir voru á sama aldri

Ég hef verið að reyna að setja inn myndbönd en það hefur ekki gengið, þarf að læra betur á þetta, er svolítið tölvuheft Þið verðið bara að láta ykkur nægja myndirnar, hann er alveg jafn sætur á þeim

Hann Matthías Máni er mikill sprellikarl, eins og sést á myndunum. Hann fer aldrei í fýlu, enda dettur enginn í þunglyndi á þessu heimili í kreppunni, ekki með svona gleðigjafa Hann er loksins kominn með tvær tönnslur í neðri góm og er stöðugt að reka útúr sér tunguna, svo sendir hann manni æðisleg gómabros þegar hann klæjar í góminn. Gæti barasta étið hann.

Vona að myndirnar gleðji ykkur líka